O NOSO TRABALLO NUN MURO VIRTUAL

Na seguinte ligazón tedes os vosos traballos en padlet, un muro virtual 
Os nosos muíños

OS TRABALLOS DOS MUÍÑOS NA WEB DA BIBLIOTECA

Xa podedes acceder na sección de ligazóns de interese á web da biblioteca onde tamén están publicados os nosos traballos.

OS MUÍÑOS DE ABADÍN

Outro gran traballo, neste caso dos compañeiros do grupo 2 de 2º de E.S.O.
Se queredes saber algo da tradición muiñeira de Abadín, que é unha tahona ou que é unha maquía éste é o voso traballo.
Premede na seguinte ligazón
Muíños de Abadín

Ou podedes vela aquí:

Os muíños de abadín from Adán Gonçalves. Consellería de Educación. Xunta de Galicia.

O MUÍÑO DE EDELMIRO (MONDOÑEDO)

Excelente traballo dos nosos compañeiros do grupo 1 de 2º de E.S.O.
O traballo fálanos dun muíño de Mondoñedo que foi construido en 1870, pero que segue en uso e co seu actual muiñeiro, Edelmiro, en plena forma.
Se queredes saber que é a peneira, que é a capa dun muíño, como é un muíño de caldeiro, ou  queredes ver un muíño tradicional da nosa terra por dentro ou simplemente queredes coñecer de preto un muiñeiro de verdade botádelle unha ollada a seguinte ligazón:

O muíño de Edelmiro


Ou accedede directamente dende aquí:

Muíños grupo 1 corrixido from Adán Gonçalves. Consellería de Educación. Xunta de Galicia.

EN QUE CONSISTE O NOSO PROXECTO?

Despois de poñer en marcha o Proxecto Ríos no río Valiñadares, o río que pasa pola histórica vila de Mondoñedo, dende o I.E.S. San Rosendo pensamos na posibilidade de ampliar o coñecemento do entorno do noso río non só dende o punto de vista medioambiental, senón tamén etnolóxico e histórico.
Para elo, ocorreúsenos a realización de traballos de investigación sobre os muíños da zona, dada a  tradición muiñeira nesta rexión.
Pareceúnos tamén interesante ampliar o ámbito de estudo aos concellos limítrofes de Abadín e Lourenzá, por ter alumnos destes tres concellos no centro.
Fixemos grupos asignados a un concello e dividimos o traballo en tres fases:
1.Que buscamos? 
A través da rede e outras fontes tentamos pescudar información que nos permitira respostar a algunhas preguntas:
 Que é un muíño? Que tipos hai? Como é un muíño de río? Como funciona?
2. Traballando a pé de campo: 
Os rapaces escollían un muíño da súa zona e buscaban información sobre él:
cales eran os seus usos? segue en uso? privado ou público? que importancia tivo na comarca? historias, lendas, costumes, tradicións...relacionadas con él ou cos muíños en xeral.
Para elo os alumnos mantiveron entrevistas cos seus veciños muiñeiros que lles contaron como era e é o traballo de muiñeiro e a relevancia desta labor na rexión.
3. Queremos que saiban o que fixemos:
A principios de Xuño os rapaces expoñeran murais no centro nos que resumen a labor realizada.
Neste blog e na web do I.E.S. colgaremos as presentación levadas a cabo polos alumnos.
Ademais está xa en marcha a realización de maquetas de muíños de río que tamén expoñeremos.